Commit

-->

Sa gitna ng sumasayaw na mga ilaw at nakakabinging club music, tinitigan ko siya sa loob ng ilang segudo at doon... doon ko na ipinasya sa sarili ko ang susunod na mga pangyayari.  May tama na ako mula sa mga basong alcohol na itinagay ko sa loob ng dalawang oras.  Malakas ang loob ko.  Hinawakan ko ang kaliwang kamay niya at hinila papalabas ng bar... patungo sa kotche ko sa 2nd floor parking.  Pumasok kami sa loob at doon nag-usap. 

Sa bawat pangungusap may tuldok na halik. 

Mahigit na isang taon na ang nakararaan nang una kaming magkita ni B. 

Una at huli. 

Ilang buwan pa lang nang maghiwalay kami ni Hani noon at may sumpa ako sa sarili na hindi na muna ako magkikipagrelasyon kahit kanino sa loob nang isang taon.  May ilang lalake na nadismaya sa panata ko na yun.  Kasama na doon si B, ang chinitang diwata ng Cubao.  Nagkakilala sa Grindr, nagkita sa Greenbelt, nanood ng sine, nagpamasahe sa spa, naglandian sa spa, nag dinner, dinala sa Alabang, dinala sa condo at buong gabing naghalikan, naghimasan, nag-ungulan, nagsubuan, nagdilaan at jusko ‘day ang laki-laki pala ni General. 

Ganyan. 

Hindi na muli nasundan ng pagkikita na yun.  Napansin kong sumama ang loob niya.  Pero ayoko naman sumabak sa relasyon ng hindi ko gusto o hindi ako handa.  Alabang and Cubao is like so layo, riiiight? 

Hangga’t sa isang araw, makalipas ng ilang lingong hinanakit ng puso ko (nokonomon... CHOT), isang “hello” na facebook message lang mula kay B, napapayag na agad akong makipag kita sa kanya nang walang kaba, takot, hiya o bahala.  Siguro, sabihin na lang nating nag-mature ako nang slight... emotionally. 

Kinabahan ako nang konti na baka may guard na makakita sa amin sa loob ng kotche at baka isiping may ginagawa kaming masama sa loob.  Wala naman.  Kabastusan lang.

Echos. 

“Alam kong gusto mo ako.  Nakikita ko naman yun.  At alam kong mabait kang tao.  Pero nababahala ako sa distansya natin.”

“Hindi problema yun sa akin.  Basta parati tayo mag-uusap.  Kaya kita mahalin, Felipe.  Nagustuhan na kita mula pa noong una tayong nagkita.”

“Alam kong kaya din kita mahalin.  Pero gusto kong malaman mong mahal ko pa rin ang lalakeng kinaiinisan ko.”

“Alam ko.  Tanggap ko yun.  Matututunan mo din akong mahalin.”

Napangiti ako.  Natuwa ako.  Heto ang isang taong nangangakong umintindi sa akin.  Heto ang isang taong handang pagpahalagahan ako.  Heto ang isang taong naghihintay lang ng sagot ko.  Nanligaw.  Hindi naman siya mukhang masamang tao.  Disente siya sa pagkakakilala ko sa kanya.   Ayoko nang patagalin pa ang paghihintay niya na doon din naman ang bagsak.  Kaya pumayag na ako. 

“Payag na ako.  Let’s commit.”

At sa puntong iyon, milagrosong lumabas ang putting usok.  White smoke, may bagong papa!

Alam kong biglaan.  Kung dulot ito ng alcohol o kalungkutan, hindi ko alam.  Pero ayoko na rin mag-isa.  Gusto ko na rin magmahal.  At heto na nga may dumating.  Ba’t pa ako tatanggi?